Штодзённае чыгуначнае спалучэнне паміж Мінскам і Варшавай будзе ўзноўлена з 13 снежняПра гэта паведаміў першы намеснік начальніка пасажырскай службы Беларускай чыгункі Андрэй Кашко.
З гэтага дня пачнуць паміж сталіцамі Беларусі і Польшчы пачнуць рухацца бесперасадачныя вагоны ў складзе цягніка №9/10 Масква-Варшава.
Цяпер цягнік беларускага фармавання №115/116 паміж Мінскам і Варшавай рухаецца два разы на тыдзень.
У прэс-цэнтры БЧ ўдакладнілі, што з 13 снежня з Мінска цягнік №9/10 будзе адпраўляецца ў 1:16 ночы і прыбываць на станцыю Варшава Цэнтральная раніцай у 8:55. Час адпраўлення цягніка ў зваротным напрамку з польскай сталіцы — 18:53, прыбыццё ў Мінск — раніцай наступнага дня ў 7:24. Цягнік №115/116 Мінск-Варшава, які ў бягучым годзе курсіраваў па панядзелках і чацвяргах, будзе прызначацца “па ўказанні”, паведамляе БЕЛТА.
Адначасова з гэтым, 13 снежня электрацягнік польскага фармавання спыняе рух па маршруце Гродна - Беласток, паведаміў гродзенскі партал s13 са спасылкай на польскі сайт Rynek Kolejowy.
Фота: rw.by