На поўначы Афганістана, у раёне хрэбта Гіндукуш, адбыўся магутны землятрус магнітудай 7,5. СМІ паведамляюць пра больш за 150 ахвяраў у Пакістане і Афганістане.
У школе для дзяўчынак у афганскай правінцыі Тахар адразу пасля землятрусу адбылася цісканіна, якая забрала жыцці 12 навучэнак. Яшчэ 25 дзяўчат пацярпелі.
Штуршкі адчувалі таксама Пакістан і Індыя. У некаторых гарадах разбураныя будынкі, не працуюць тэлефонныя лініі, няма электрычнасці. У Нью-Дэлі часова спынены рух метро. Сярод загінуўшых і пацярпелых шмат падлеткаў.
Прэм’ер-міністр Афганістана заявіў, што землятрус стаў мацнейшым за апошнія гады. Штуршкі адчуваліся нават за дзве з паловай тысячы кіламетраў — хісталіся верхнія паверхі будынкаў у Азербайджане, Казахстане і Навасібірску.
МЗС Беларусі правярае, ці няма сярод загінулых і пацярпелых нашых суайчыннікаў.
To see this content visit the full version of this page.