Невядомыя вандалы зламалі крыж, усталяваны актывістамі на месцы пахавання ахвяраў сталінскіх рэпрэсій каля Магілёўскай шашы пад Оршай, піша сайт orsha.eu.
Пра месцы расстрэлаў людзей у сталінскія часы ў Оршы было вядома даўно. Аднак помнік ахвярам паспелі паставіць толькі на Кабыляцкай гары. Каля Магілёўскай шашы мясцовыя актывісты ў 2018 годзе паставілі невялікі крыж з шыльдачкай.
Паведамляецца, што да гэтага месца прыязджалі дэлегацыі, наведнікі прыносілі кветкі і г.д.
Але цяпер невядомыя зламалі крыж і знеслі шыльдачку.
У месцы масавых пахаванняў ахвяраў у Курапатах пад Мінскам вандалы перыядычна ламаюць крыжы, знішчаюць мемарыяльную "лавачку Клінтана" і г.д. Амаль ніколі мііліцыя не знаходзіць парушальнікаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.