У ноч з 23 на 24 красавіка на станцыях мінскага метро "Маскоўская" і "Парк Чалюскінцаў" пройдзе тактычна-спецыяльнае вучэнне. Як інфармуе БЕЛТА, паводле легенды, у тунэлі загарэўся цягнік. Задача ратавальнікаў яго патушыць. Будзе адпрацоўвацца ўзаемадзеянне супрацоўнікаў МНС і дзяжурнага персаналу станцый у выпадку надзвычайнага здарэння.
Да вучэння плануецца прыцягнуць 20 адзінак тэхнікі і больш за сотню ратавальнікаў.