Уначы на МКАД загінуў 31-гадовы вадзіцель Mercedes, які ехаў з боку Ігуменскага тракта ў накірунку Партызанскага праспекта. Ён не саўладаў з кіраваннем, і легкавік выехаў за межы праезнай часткі, дзе сутыкнуўся з апорай рэкламнага шчыта і дрэвамі. Машыну разарвала на дзве часткі. Мужчына атрымаў цяжкія траўмы, ад якіх памёр на месцы ДТЗ.
Як паведамляе прэс-служба Упраўлення Следчага камітэта па горадзе Мінску, трагічнае здарэнне адбылося каля 3-й гадзіны ночы 15 лютага на 13-м кіламетры знешняга кола МКАД. СК праводзіць праверку і шукае відавочцаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут