Улетку ў Беларусь з Расіі даставілі больш за тысячу тон ракетнага ўзбраення

Гэтым летам у Беларусь з Расіі па чыгунцы былі дастаўлены ў агульнай складанасці 43 вагоны з ракетным узбраеннем. Агульная вага грузу склала каля 1 100 тон, пра гэта піша Супольнасць чыгуначнікаў Беларусі (СЧБ).

Для перавозкі ўласна грузу былі задзейнічаны 5 крытых вагонаў і 38 паўвагонаў. Яшчэ шэсць крытых вагонаў прызначаліся для праезду персанала. Пры гэтым гаворка ішла аб грузе 1 класа небяспекі — гэта выбуховыя матэрыялы. Як стала вядома СЧБ, адпраўнікамі з расійскага боку выступалі:

• вайсковая частка 58661-51 — 12-й арсенал захоўвання авіяцыйных сродкаў паражэння ВПС РФ (станцыя Патрыкеева, Куйбышаўскай чыгункі);
• вайсковая частка 55443 — 13-й арсенал Галоўнага ракетна-артылерыйскага ўпраўленне Міністэрства абароны РФ (станцыя Кота );
• федэральная казённая ўстанова — аб'яднанае стратэгічнае камандаванне Паўднёвай ваеннай акругі (станцыі Марцава, Паўночна-Каўказкай чыгункі)
• вайсковая часць 75392 МА РФ – 559-ы гвардзейскі бамбардзіровачны авіяцыйны полк (станцыя Марозаўская, Паўночна-Каўказкай чыгункі);
• вайсковая часць 49371 – 859-ы цэнтр баявога прымянення і перавучвання лётнага складу марской авіяцыі ВМФ РФ (станцыя Ейск);
• АТ "Завод Пластмас" (станцыя Патаніна, Паўднёва-Уральскай чыгункі). Гэта прадпрыемства спецыялізуецца на вытворчасці прамысловых выбуховых рэчываў (ПВВ), такіх як шашкі-дэтанатары і эмульсійныя ПВВ.

Адметна, што гэтыя пастаўкі ішлі адначасова з адпраўкай у Расію з Беларусі беларускага ўзбраення, боепрыпасаў і тэхнікі, якую перадавалі ў выглядзе так званай "братэрскай узаемадапамогі". У СЧБ мяркуюць, што такім чынам адбываўся абмен на больш неабходнае на той час для Расіі ўзбраенне. А перакідванне расійскіх ракетных боепрыпасаў у Беларусь дазваляла забяспечыць іх дадатковы запас і адносна бяспечнае захоўванне.