Украіна не верне Беларускай чыгунцы яе грузавыя вагоны. Пра гэта заявіў намеснік дырэктара дэпартамента камерцыйнай працы Украінскай чыгункі Валерый Ткачоў. Паводле яго слоў, такое рашэнне прынятае з улікам матэрыяльнага ўрону, нанесенага Расіяй (краінай-агрэсарам) і Беларуссю (яе саюзнікам), а галоўнае — з улікам "тысяч нявінных ахвяр, забітых захопнікамі". "Увесь рухомы састаў, грузы і іншае не будуць вяртацца краінам-акупанта!", — заявіў Ткачоў.
Украінскі бок агучыў такое рашэнне, паколькі да яго пачалі звяртацца па пытанні вяртання грузавых вагонаў з Беларусі і нават з Расіі. На адно з тэлефанаванняў з РБ прадстаўнік Украінскай чыгункі адказаў: "Чык-чырык, ідзі...". У Мінску, відаць, былі шакаваныя.
Па некаторых даных, ва Украіне могуць знаходзіцца тысячы беларускіх грузавых вагонаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут