Падчас аперацыі "Мігрант" украінскія паліцыянты затрымалі каля вёкі Парышаў у зоне адчужэння Чарнобыльскай АЭС дваіх грамадзян Беларусі — 33 і 42 гадоў. Пра гэта паведамляе Галоўнае ўпраўленне Нацыянальнай паліцыі ў Кіеўскай вобласці.
Мужчына і жанчына на "Таёце" праехалі ва ўкраінскую зону адчужэння, абмінаючы кантрольна-прапускныя пункты. Яны патлумачылі паліцыі, што заблукалі.
На правапарушальнікаў склалі адміністрацыйныя пратаколы за незаконнае перасячэнне дзяржаўнай мяжы Украіны.
Аўтамабіль парушальнікаў мяжы затрымалі. Матэрыялы на іх перададзеныя ў суд. Пасля рашэння суда мужчыну і жанчыну перададуць беларускім памежнікам.