Паліцыя супраць дэманстрантаў / meduza.io
7 сакавіка ў Тбілісі паліцыя жорстка разганяла шматтысячную акцыю пратэсту. Людзі пратэстуюць супраць прынятага парламентам Грузіі ў першым чытанні законапраекта "аб замежных агентах". Галасаванне па другім варыянце законапраекта прызначана на 9 сакавіка. Гэтая версія ў адрозненне ад прынятай у аўторак датычыць не толькі юрыдычных асоб, але і фізычных, а таксама прадугледжвае крымінальную адказнасць, паведамляе Радыё Свабода.
Апазіцыя перакананая, што цяперашнія ўлады Грузіі спрабуюць пераняць расійскі досвед барацьбы з "іншаагентамі" і стварыць "рэпрэсіўны механізм". У Еўрасаюзе лічаць, што падобныя законы несумяшчальныя з выкананнем рэкамендацый Грузіі для атрымання ёй статуса кандыдата на ўступленне ў ЕС.
У цэнтры Тбілісі мітынгавалі ад 5 да 10 тысяч чалавек. Адбыліся сутычкі з паліцыяй. Супраць дэманстрантаў выкарыстоўвалі вадамёты і слёзацечны газ. Ёсць пацярпелыя.
Пратэстоўцы адказалі "кактэйлямі Молатава". Паліцэйскія сталі страляць гумовымі кулямі.
To see this content visit the full version of this page.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут