На выставе, прысвечанай Алесю Бяляцкаму / racyja.com
У польскім Сенаце адчынілася выстава, прысвечаная беларускаму праваабаронцу Алесю Бяляцкаму — лаўрэату Нобелеўскай прэміі міру, перадае Радыё "Рацыя". Арганізатарамі яе выступілі Беларускі Дом у Варшаве ў супрацоўніцтве з Сенатам Польшчы і віцэ-маршалкам Сената Малгажатай Кідава-Блоньскай.
Мэта выставы — звярнуць увагу польскіх дзеячаў на праблему беларускіх палітвязняў. Раней гэтая ж выстава была прадстаўленая па-беларуску ў будынку Беларускага Дома, а па-англійску — у офісе прадстаўніцтва беларускіх дэмакратычных сілаў у Бруселі і ў Еўрапарламенце.
На адкрыцці выставы з прамовамі выступілі польскія і беларускія палітыкі. Акрамя таго адбыўся паказ фільма пра Алеся Бяляцкага.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут