У бліжэйшыя суткі, 24 верасня, у Беларусі чакаецца надвор’е з пераменнай хмарнасцю, пераважна без ападкаў. Толькі ў асобных раёнах на паўднёвым захадзе краіны прагназуюцца невялікія дажджы.
Вецер будзе ўсходні: уначы ўмеркаваны, удзень — парывісты.
Тэмпература паветра ўначы складзе 8-14 градусаў цяпла, удзень — 15-21 са знакам плюс, перадае БЕЛТА са спасылкай на Белгідрамет.