Рака Свіслач у Мінску / Еўрарадыё
МНС паведамляе пра загінулую ў рацэ Свіслач жанчыну. Напярэдадні днём мінскіх выратавальнікаў выклікалі ў раён вуліцы Кастрычніцкай. Той, хто тэлефанаваў, паведаміў, што там у рацэ патанула жанчына.
Супрацоўнікі МНС дасталі цела. Асоба жанчыны, а таксама абставіны яе гібелі яшчэ трэба высветліць.
У МНС таксама расказалі, што за мінулыя суткі ў Беларусі адбылося 13 надзвычайных сітуацый тэхнагеннага характару. Варта адзначыць пажар у аграгарадку Ратамка Мінскага раёна. Пасля яго ў бальніцы апынуліся тры дзіцяці 5, 12 і 13 гадоў. Яны атруціліся прадуктамі гарэння.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут