У Мінску 14-гадовы падлетак, які 6 разоў ударыў нажом свайго бацьку Змітра Цімашкова, асуджаны на 6 гадоў выхаваўчай калоніі, інфармуе "Беларусь сегодня". Такое рашэнне вынес суд Ленінскага раёна. Працэс праходзіў у закрытым рэжыме. Прысуд можа быць абскарджаны.
Здарэнне адбылося 24 верасня мінулага года. Хлопец ударыў нажом у спіну бацьку, які вярнуўся з марафона ў Маскве. У Змітра Цімашкова ёсць яшчэ малодшая дачка Ліля. Яна хворая на дзіцячы цэрэбральны параліч. Разам з дачкой мужчына ўдзельнічае ў разнастайных дабрачынных марафонах.