У Мікашэвічах падчас выбуховых працах у кар’еры РУВП “Граніт” камень адляцеў ажно на 700 метраў. Здарэнне адбылося яшчэ 15 лютага падчас планавых працаў, але вядома пра яго стала толькі цяпер.
Як паведамляюць у пабліку Вконтакте “Твой горад Мікашэвічы і Лунінецкі раён”, камень даляцеў да тратуара па вуліцы Ленінскай, зрыкашэціў і пашкодзіў плот праз вуліцу.
Ніхто з людзей не пацярпеў. Прадстаўнікі прадпрыемства запэўніваюць, што ў будучыні зробяць усё, каб такое не паўтарылася.
А вось для нагляднасці карта Мікашэвічаў — на столькі камень адляцеў з кар’ера.