Праект-пераможца / lidanews.by
У Лідзе выбралі праект помніка “Валянцін Таўлай”. Правядзенне конкурсу эскізных праектаў было ініцыявана мясцовым райвыканкамам і прымеркавана да Дня беларускага пісьменства. На яго было прадстаўлена 8 работ, з якіх адабралі тры найлепшыя, і ўжо з іх ліку вызначылі пераможцу — скульптара Сяргея Логвіна. Праект яшчэ мусіць быць ухвалены ў Мінску.
Скульптуру збіраюцца вырабіць у бронзе. Яна павінна стаць упрыгожваннем паркавай зоны на скрыжаванні вуліц Таўлая і Качана. Адкрыццё помніка адбудзецца да Дня беларускага пісьменства.
Валянцін Таўлай (1914 — 1947) — беларускі паэт, літаратуразнаўца, перакладчык, удзельнік нацыянальна-вызваленчага руху ў Заходняй Беларусі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут