Упраўленне Следчага камітэта па Магілёўскай вобласці расследуе крымінальную справу па забойстве 16-гадовай дзяўчыны.
Целы дзяўчыны знашлі ўвечары 11 сакавіка ў закінутым доме ў вёсцы Хількавічы Круглянскага раёна. Следча-аператыўная група з удзелам экспертаў правяла агляд месца злачынства, зафіксавала сляды, а таксама выявіла прадметы, з дапамогай якіх высветлілі асобу падазраванага.
Пры аглядзе месца здарэння следчыя таксама пабачылі сляды абутку, якія вялі ў бок лесу. Пасля пагоні міліцыянты затрымалі 20-гадовага падазраванага за 20 кіламетраў ад вёскі Хількавічы.
Як выявілі следчыя, малады чалавек задушыў дзяўчыну падчас сваркі ў гэты ж дзень. Раней хлопца ўжо судзілі за ўхіленне ад прызыву ў войска і ўхіленне ад выплаты штрафу. 11 сакавіка ён толькі вызваліўся з папраўчай установы, дзе адбываў пакаранне — адзін месяц арышту.
Расследаванне крымінальнай справы працягваецца.