У Чэрвенскім раёне адбылася аўтааварыя, вінаватай у якім стаў конь. Раннім ранкам 30 жніўня жывёла раптоўна выскачыла на дарогу “Чэрвень — Смалявічы” каля вёскі Рудня і трапіла пад уазік хуткай дапамогі, якая вырталася з выкліку.
Аўтамабіль атрымаў значныя пашкоджанні. Кіроўца хуткай не пацярпеў, а фельчара заціснула ў салоне машыны і ён змог выбрацца вонкі толькі з дапамогай выратавальнікаў, паведамляе прэс-служба Мінскага абласнога ўпраўлення МНС.