У Брэсцкім раёне дзіцячае крэсла зберагло 2-гадовае дзіця ад траўмаў падчас ДТЗ. Здарэнне адбылося раніцай 18 лістапада каля вёскі Ваўкі. Як паведамляе прэс-служба ДАІ Брэсцкай вобласці, 34-гадовая жанчына не саўладала з кіраваннем аўтамабілем "Аўдзі 100". Легкавік з'ехаў з дарогі ўправа і перакуліўся.
Адзначаецца, што жанчына не была прышпіленая рамянём бяспекі, атрымала траўмы і апынулася ў рэанімацыі Брэсцкай абласной бальніцы. Падчас праверкі стала вядома, што за два гады вадзіцельскага стажу кіроўца 29 разоў прыцягвалася да адміністрацыйнай адказнасці за парушэнні правілаў дарожнага руху.