Міністэрства па надзвычайных сітуацыях распаўсюдзіла аператыўную інфармацыю пра наступствы магутнага цыклона, які абрынуўся на нашу краіну. Уначы выпалі значныя ападкі ў выглядзе снегу. Паводле звестак ратавальнікаў, затораў на аўтамабільных дарогах няма.
У Брэсцкай вобласці з снежных заносаў супрацоўнікі МНС вызвалілі 3 аўтамабілі (1 грузавік і 2 легкавіка), у якіх знаходзіліся 5 чалавек. З дарог прыбіраліся дрэвы, якія ўпалі на іх. Звестак пра пацярпелых няма. Вядома, што ў Пружанскім і Драгічынскім раёнах выпала 13 мм і 10 мм снегу адпаведна.
Як інфармуе тэлеканал "Беларусь 1", мінскія вуліцы камунальнымі службамі былі аператыўна расчышчаныя. Па Беларусі на дарогах працавалі 2102 адзінкі тэхнікі і 4117 чалавек з розных арганізацый.
"Белэнерга" паведамляе, што на працягу апошніх сутак электразабеспячэнне перыядычна знікала ў 144 населеных пунктах. На 6-ю гадзіну 10 лістапада без святла заставаліся 36 вёсак, 7 сельскагаспадарчых будынкаў і 146 трансфарматарных падстанцый у Віцебскай і Брэсцкай абласцях.