Беразіно, 25 лютага 2025-га / t.me/berezinonews/
У Беразіно (Мінская вобласць) чарговы прарыў вадаправода. З-за здарэння перакрыты рух на вуліцы Перамогі. Там у аўторак ідуць аднаўленчыя працы.
Раённая газета нагадвае, што папярэдні прарыў вадаправода адбыўся ў сераду на мінулым тыдні на Зялёнай вуліцы. Тады па ёй перакрываўся рух (на здымках знізу) — ад аўтадарогі Р67 да згаданай вуліцы Перамогі, арганізоўваўся падвоз вады. Цяпер жа праблема з'явілася і на ёй.
Падобныя аварыі адбываюцца па ўсёй Беларусі. Нярэдка пра іх не паведамляюць СМІ. Інфраструктура патрабуе абнаўлення, а грошы атрымліваюць найперш сілавікі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут