Ракета-дрон "Бандэроль" / zhzh.com.ua
Зранку каля 9-й гадзіны ў паветраную прастору Беларусі заляцела ракета-дрон "Бандэроль", перадае Радыё Свабода.
Паводле інфармацыі ўкраінскага маніторынгавага канала "єРадар", у 9:05 яна пачала рухацца ўглыб Беларусі цераз Брагін Гомельскай вобласці, але потым развярнулася ў кірунку Чарнігава. Пра яе далейшы маршрут болей пакуль нічога не вядома.
Украінскія ўлады зранку паведамілі пра абстрэлы памежных з Беларуссю Валынскай і Ровенскай абласцей.
Ракета-дрон "Бандэроль" развівае хуткасць да 650 кіламетраў за гадзіну.
Папярэдняя "Бандэроль" упала 22 жніўня ў наваколлі Капаткевічаў Петрыкаўскага раёну Гомельшчыны. Афіцыйных каментароў з беларускага боку не было. Украінскія рэсурсы сцвярджалі, што ў ракеты закончылася паліва і яна звалілася ў полі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут