4 снежня ў 15:56 ратавальнікам паведамілі, што ў Барысаве на вуліцы Адамовіча прагрымеў выбух у жылым доме, паведамляе прэс-служба МНС.
На месцы выкліку ратавальнікі выявілі, што пасля выбуху дом загарэўся і абваліўся. Пад заваламі знайшлі мужчыну. Брыгада хуткай меддапамогі шпіталізавала яго ў лякарню.
Ратавальнікі аператыўна ліквідавалі пажар.
Прычына здарэння высвятляецца. Дом для далейшага пражывання непрыдатны. Дарэчы, пры выбуху і пажары быў пашкоджаны легкавы аўтамабіль, які стаяў каля дома.