У судзе
Баранавіцкі суд прысудзіў мясцоваму пенсіянеру Івану Норку паўтара года "хатняй хіміі" за паклёп на Аляксандра Лукашэнку, паведамляюць праваабаронцы. У мужчыны ёсць інваліднасць.
65-гадовага Івана Норку затрымалі і змясцілі пад варту яшчэ 10 ліпеня, праз трое сутак адпусцілі пад хатні арышт. Судзілі ў канцы жніўня, пасяджэнне суда было выязным і праходзіла ў будынку аднаго з мясцовых ЖЭСаў.
Па версіі абвінавачвання, пенсіянер адзначыў падабайкай у сацыяльнай сетцы "Аднакласнікі" адну з публікацый. Экспэртыза выявіла ў гэтай публікацыі "недакладныя звесткі" пра тое, што Аляксандр Лукашэнка датычны да некалькіх злачынстваў ("акту тэрарызму", "забойства", "перавышэння ўлады або службовых паўнамоцтваў"). Прысуд вынес суддзя Мікалай Кміта.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут