У Бабруйску невядомыя напалі на прытулак для жывёл. Здарэнне адбылося ўначы 2 студзеня. Як інфармуе сайт bobruisk.ru са спасылкай на Бабруйскае грамадскае аб’яднанне абароны жывёл “Дабрадзейнасць”, былі часткова зламаныя заднія сцены трох вальераў (агулам там валанцёры і неабыякавыя грамадзяне пабудавалі 37 вальераў). Аднак з 10 сабак, якія там былі, збеглі толькі 2. Увечары яны вярнуліся назад.
На месца здарэння прыязджала міліцыя. Матывы зламыснікаў невядомыя.