Дадатак Facebook на працоўным стале / Еўрарадыё
Як піша Bussines Insider, на адным з хакерскіх форумаў апынуліся звесткі паўміліарда карыстальнікаў Facebook. Паводле папярэдняга аналізу, у сліў патрапілі звесткі як мінімум 32 млн карыстальнікаў з ЗША, 11 млн з Вялікабрытаніі, 6 млн з Індыі.
У рукі хакераў апынуліся поўныя імёны і прозвішчы карыстальнікаў, даты нараджэння, біяграфічныя звесткі, унікальныя ідэнтыфікатары іх старонак, месца жыхарства і адрасы электроннай пошты.
У сацыяльнай сетцы пакуль не пацвердзілі уцечку.
Нагадаем, што летам 2019 года Федэральная гандлёвая камісія ЗША выпісала сацыяльнай сеткі штраф у памеры пяці мільярдаў даляраў пасля падобнай маштабнай уцечкі, звязанай з кампаніяй Cambridge Analytica. Па выніках расследавання было ўстаноўлена, што аналітычная кампанія сабрала дадзеныя 87 млн карыстальнікаў сацсеткі і перадала іх трэцім асобам. Якія ў сваю чаргу выкарыстоўвалі іх у незаконных мэтах-як мяркуецца, перадвыбарчы штаб Дональда Трампа выкарыстаў іх для палітычнай рэкламы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.