У Арганізацыі аб'яднаных нацый прапанавалі перамясціць мігрантаў ад мяжы з Польшчай "у больш бяспечныя месцы ў Беларусі". Пра гэта напісаў у Twitter вярхоўны камісар ААН па справах бежанцаў Філіпа Грандзі. Ён нагадаў, што ў лагеры мігрантаў пабывалі прадстаўнікі Упраўлення вярхоўнага камісара ААН па справах бежанцаў, Міжнароднай арганізацыі па міграцыі.
"Прыярытэтам зараз павінна стаць прадухіленне страты жыццяў", — піша прадстаўнік ААН.
Прапанова па "перамяшчэнні мігрантаў" не падабаецца прапагандыстам, якія своеасабліва асвятляюць сітуацыю на мяжы з Польшчай.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут