1 чэрвеня паказ спектакляў адновіць тэатр-студыя кінаактора ў Мінску, паведамляюць "Мінск-Навіны". У гэты дзень на сцэне пакажуць музычную казку "Аліса ў Залюстроўі".
У тэатры кажуць, што гледачы будуць рассаджаныя з улікам сацыяльнага дыстанцыявання.
Падчас пандэміі каранавіруса тэатры былі вымушаныя датэрмінова завяршыць сезон. Зачыняцца яны пачалі яшчэ з сярэдзіны красавіка. Самыя "трывушчыя" дацягнулі да пачатку траўня.
Тэатр-студыя кінаактора стаў самым смелым сярод тэатраў, вырашыўшы аднавіць паказ спектакляў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.