14 верасня святкуе 50-годдзе славуты беларускі музыка, заснавальнік легендарных гуртоў "Мроя" (разам з Уладзімірам Давыдоўскім) і NRM, лідар “Крамбамбулі”, пісьменнік і мастак Лявон Вольскі. У адным з інтэрв'ю Еўрарадыё ён прызнаваўся, што адзначае дзень народзінаў з жонкай, дачкой і самымі блізкімі сябрамі, але без агульнапрынятага свята. Самымі памятнымі яго падарункамі былі мабільнік і мінашукальнік.
Рэдакцыя Еўрарадыё віншуе Лявона Вольскага з 50-мі ўгодкамі і жадае творчых поспехаў!