Піца, ілюстрацыйнае фота / pexels.com
Трох чалавек затрымалі па падазрэнні ў хакерскай атацы на IT-сістэму сеткі піцэрый "ДаДо Піца", паведамляе тэлеграм-канал Baza.
Хакераў вылічылі па IP-адрасах. Паведамляецца, што групоўка складалася з чатырох чалавек. Пакуль затрымалі трох — расіяніна, а таксама грамадзян Беларусі і Казахстана.
Спецыялісты мяркуюць, што ўзломшчыкі атрымалі доступ да 3,7 ТБ даных — 33 млрд запісаў. Гэта звесткі пра 862 млн заказаў за 15 гадоў, 68 млн кліенцкіх запісаў, 431 тыс. супрацоўнікаў і 171 млн запісаў пра адрасы дастаўкі.
Як паведамлялася, у выніку хакерскай атакі пацярпелі даныя кліентаў з розных краін, у тым ліку і з Беларусі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут