У мірнай акцыі прынялі ўдзел каля 5 тысяч чалавек / Еўрарадыё
У Мінску 29 жніўня прайшоў жаночы марш салідарнасці. У мірнай акцыі прынялі ўдзел каля 5 тысяч чалавек. Пачалася яна ў 16:00 на плошчы Перамогі.
Калона дзяўчат спачатку высунулася па тратуары ў бок Кастрычніцкай плошчы, але каля цырка ім перагарадзілі дарогу амапаўцы. Пратэстоўцы развярнуліся і накіраваліся да Акадэміі навук, але там іх зноў сустрэлі сілавікі. Чарговы раз развярнуўшыся, натоўп накіраваўся ў бок плошчы Перамогі, але супрацоўнікі перарэзалі ім шлях каля ЦУМа. Пасля гэтага людзі пайшлі да Камароўскага рынку.
Падчас акцыі былі і затрыманні, але, па апошніх звестках, затрымлівалі выключна мужчын, у тым ліку і журналістаў "Свабоды", Белсата, DW і "Комсомольской правды".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.