Студэнтку Злату Януковіч асудзілі да трох гадоў «хіміі» за счэпку 10 жніўня 2002 года, паведамляе праваабарончы сайт "Вясна".
Трэцякурсніцу хімфаку БДУ прызналі вінаватай у арганізацыі і падрыхтоўцы дзеянняў, якія груба парушаюць грамадскі парадак, альбо актыўным ўдзеле у іх (ч. 1 артыкула 342 КК).
Злата стала вядомай пасля фота, зробленага 10 жніўня 2020 года на Нямізе. Дзяўчына стаяла ў счэпцы з іншымі жанчынамі. Гэтая фатаграфія стала адным з сімвалаў жаночага пратэсту.
Затрымалі Злату сёлета 13 кастрычніка. Потым на праўладных каналах з'явілася яе "пакаяльнае" відэа.
да суда яе два месяцы трымалі ў СІЗА. Пасля вынясення прысуду дзяўчыну вызвалілі ў зале суда.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут