Мікалай Статкевіч / Euroradio
Крэмль заявамі пра "максімальныя" пастаўкі паліва з Беларусі можа справакаваць Украіну на ўдары па беларускіх нафтаперапрацоўчых заводах. Такое меркаванне ў сваім Telegram-канале выказаў палітык Мікалай Статкевіч.
Паводле яго, з пункту гледжання Украіны Беларусь забяспечвае Расію палівам для вайны. Таму, калі ўкраінскія сілы сапраўды нанясуць удар па Мазырскім або Наваполацкім НПЗ, Мінску будзе складана пазбегнуць яшчэ большага ўцягвання ў расійска-ўкраінскую вайну.
Статкевіч прапануе Беларусі пайсці на нестандартны крок — пастаўляць паліва адначасова Расіі і Украіне. Пры гэтым для Украіны, на яго думку, цану можна было б зрабіць значна ніжэйшай.
Ён таксама адзначыў, што галоўнай мэтай такой схемы бачыць не прыбытак, а спробу знізіць рызыку ўдараў па беларускіх нафтаперапрацоўчых прадпрыемствах.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут