Упраўленне Следчага камітэта па Мінску завяршыла даследчую праверку па факце гібелі 6-гадовай дзяўчынкі на дзіцячай горцы ў Фрунзенскім раёне сталіцы. Здарэнне адбылося сёлета ў траўні: дзяўчынку 2009 года нараджэння знайшлі без прытомнасці на дзіцячай пляцоўцы каля гульнявой горкі. Меркавалася, што яна зачапілася адзеннем за парэнчы і задушылася шнурком ад капюшона.
Мінакі аказалі дзіцяці першую меддапамогу і выклікалі хуткую, але выратаваць жыццё дзіця медыкі не здолалі.
Як вынікае з матэрыялаў праверкі, смерць дзіця наступіла ад перарванай механічнай асфіксіі — яна сапраўды задушылася шнурком. Супрацьпраўных дзеянняў у дачыненні дзяўчынкі не было. Прычынай здарэння стала гульня з завязваннем шнуркоў ад вопраткі на розныя прадметы.
Паколькі складу злачынства няма, Следчы камітэт адмовіў у распачынанні крымінальнай справы.