AirBaltic / airbaltic.com
Самалёт AirBaltic Airbus A220-300 у ноч на сераду вымушана апынуўся ў паветранай прасторы Беларусі, піша Delfi. Прычына ў непагадзі.
Рэйс AirBaltic вылецеў з Рыгі і павінен быў рухацца ў Косава праз паветраную прастору Літвы і Польшчы. Аднак праз буру вымушаны быў адхіліцца ад курсу і 20 хвілін правесці над Беларуссю.
Еўрапейскім авіякампаніям забаронена выкарыстоўваць паветраную прастору Беларусі пасля таго, як 23 мая 2021 года ў Мінску прымусова быў пасаджаны самалёт Ryanair, на якім ляцеў беларускі апазіцыянер Раман Пратасевіч. Еўрапейскія краіны таксама закрылі сваю паветраную прастору для беларускіх перавозчыкаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут