Ліфт / pexels.com, ілюстрацыйнае фота
Медыкам Талачынскай цэнтральнай раённай бальніцы 24 жніўня спатрэбілася дапамога ратавальнікаў, паведамляе прэс-служба МНС.
Каля 15-й гадзіны ратавальнікаў выклікалі ў клініку на вуліцы Астроўскага. Выявілася, што ў кабіне ліфта на першым паверсе захраслі трое медыкаў. Прычым адна з жанчын была ў непрытомным стане.
Ліфцёр не здолеў адчыніць дзверы. Ратавальнікі расціснулі дзверы кабіны пры дапамозе гідраўлічнага і шансавага інструмента.
49-гадовую медсястру перадалі работнікам бальніцы для аказання медыцынскай дапамогі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут