Бальніца ў Сумах пасля атакі дрона / t.me/dsns_telegram/
Уначы амаль паўтары сотні "шахедаў", запушчаных з Расіі, атакавалі Украіну, у тым ліку і грамадзянскую інфраструктуру. У Сумах ударны беспілотнік трапіў у лякарню. З будынка эвакуявалі 147 пацыентаў.
"Менавіта такія начныя атакі Расіі руйнуюць нашу энергетыку, нашу інфраструктуру, нармальнае жыццё ўкраінцаў, — піша прэзідэнт Украіны Уладзімір Зяленскі. — І той факт, што гэтая ноч не стала выключэннем, сведчыць, што трэба і далей ціснуць на Расію дзеля міру. Сёння Пуцін фактычна адхіліў прапанову поўнага спынення агню. Было б правільна, каб свет у адказ адхіліў любыя спробы Пуціна зацягнуць вайну".
Зяленскі лічыць, што "толькі рэальнае спыненне Расіяй удараў па грамадзянскай інфраструктуры як сведчанне жадання завяршыць гэтую вайну можа наблізіць мір". А пакуль яны працягваюцца, РФ павінна быць пад санкцыямі, а дапамога Украіне не мусіць спыняцца.
Напярэдадні адбылася тэлефонная размова прэзідэнта ЗША Дональда Трампа і расійскага кіраўніка Уладзіміра Пуціна. Пуцін "станоўча адгукнуўся на ініцыятыву аб узаемнай адмове бакоў канфлікту ва Украіне ад удараў на 30 дзён па энергаінфраструктуры". І нібыта ўжо даў адпаведную каманду вайскоўцам. Але, як бачым, удары працягнуліся.
Мінабароны РФ паведамляе пра 57 збітых за ноч над расійскімі рэгіёнамі ўкраінскіх беспілотнікаў.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут