Памежная служба Польшчы паведамляе ў пятніцу, што ўздоўж мяжы з боку Беларусі ездзіць машына, з якой транслююць запісы дзіцячага плачу і крыкаў.
Польскія памежнікі таксама распавялі, што ўчора, 28 кастрычніка, у іх бок стралялі з сігнальнага пісталета.
Іншых падрабязнасцяў не прыводзіцца. Таксама не ўдакладняецца, на якіх участках польска-беларускай мяжы мелі месца гэтыя інцыдэнты.
Як паведамляла Еўрарадыё, больш за 700 чалавек знаходзяцца пад следствам у Польшчы па падазрэнні ў кантрабандзе мігрантаў, якія хацелі незаконна трапіць у Еўрасаюз праз Беларусь. Супраць іх завялі больш за 180 спраў.
З пачатку года польскія памежнікі зарэгістравалі амаль 26 тысяч спробаў нелегальнага перасячэння мяжы. З іх 14 200 — толькі за кастрычнік.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут