Міхаіл Падаляк / twitter.com/dw_russian
Страты ўкраінскага войска за час вайны з Расіяй складаюць ад 10 да 13 тысяч чалавек. Такую лічбу назваў дарадца офіса прэзідэнта Украіны Міхаіл Падаляк у інтэрв'ю "Каналу 24" 1 снежня.
Раней кіраўніца Еўракамісіі Урсула фон дэр Ляен заявіла, што ад пачатку вайны загіла 100 тысяч украінскіх вайскоўцаў. Потым у Еўракамісіі патлумачылі, што фон дэр Ляен мела на ўвазе разам і загінулых, і параненых.
"Бясспрэчна, спадарыня Урсула памылілася — гэта відавочна. Таму яны выдалілі гэта відэа, прыбралі гэтыя лічбы. У нас ёсць афіцыйныя ацэнкі Генштаба, якія агучвае Вярхоўны галоўнакамандуючы. Яны складаюць ад 10 да 12,5-13 тысяч загінулых... Так, у нас больш страт з-за раненняў", — пракаментаваў Падаляк.
Таксама ён абверг і лічбу ў 20 тысяч загінулых грамадзянскіх асоб, якую назвала кіраўніца Еўракамісіі. Па яго словах, гэта лічба значна большая, асабліва з улікам таго, што на ўсіх вызваленых тэрыторыях знаходзяць масавыя пахаванні загінулых жыхароў.
Дарэчы, пра 22 тысячы загінулых цывільных асоб украінскія ўлады казалі яшчэ напрыканцы траўня.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут