"Прыярытэты партнёрства" Еўрасаюза і Беларусі на перыяд да 2020 года могуць быць падпісаныя пасля саміту "Усходняга партнёрства". Прынамсі, на гэта спадзяюцца ў Бруселі, паведамілі агенцтву БЕЛТА прадстаўнікі Еўрасаюза.
Саміт "Усходняга партнёрства" пройдзе 24 лістапада ў Бруселі.
Прадстаўнікі ЕС патлумачылі, што перамовы па ўзгадненні дакумента наконт партнёрства Беларусі і ЕС працягваюцца. Наўрад ці гэтыя перамовы ўдасца завяршыць да пачатку саміту "Усходняга партнёрства". Разам з тым у ЕС спадзяюцца, што неўзабаве пасля саміту перамовы будуць скончаныя.