Не думаць, ісці напралом: справы расійскага войска ва Украіне не вельмі

Чытаць болей: Продержаться до момента освобождения: как живёт Херсон под российской оккупацией

"Украінскі контрнаступ на паўночным захадзе Херсонскай вобласці вымусіў расійскія войскі заняць абарончыя пазіцыі і, магчыма, перашкодзіць расійскім намаганням эфектыўна акапацца і ўмацаваць кантроль над акупаванымі тэрыторыямі ўздоўж паўднёвай восі", — адзначаюць аналітыкі.

Вядома, украінская контратака на гэтым этапе наўрад ці прывядзе да адваявання значнай часткі тэрыторыі вобласці ў найбліжэйшы час, але можа парушыць планы Расіі і прымусіць яе перакінуць туды падмацаванні з іншых рэгіёнаў.
 

Усё менш людзей і тэхнікі

Аналітыкі з Conflict Intelligence Team атрымалі доступ да дакумента Генштаба Расіі ад 11 траўня, які быў разасланы па вайсковых акругах. У дакуменце — загад аб падрыхтоўцы рэзервовых батальёнаў. Гэта паказвае на сур'ёзную нястачу жывой сілы, і далёка не толькі афіцэраў.

"У палках ёсць трэці батальён самай ніжэйшай гатоўнасці (у асноўным там служаць салдаты тэрміновай службы). З афіцэраў-кантрактнікаў гэтых батальёнаў, штатных вайскоўцаў, якія засталіся ў пунктах пастаяннай дыслакацыі, і рэзервістаў, якія падпісалі кароткатэрміновыя кантракты, будуць камплектавацца новыя падраздзяленні. Іх будуць узбройваць, даваць тэхніку і адпраўляць на 30-дзённае навучанне на палігонах", — кажуць аналітыкі.

Акрамя таго, нямала, паводле звестак CIT, і адмоўнікаў: у тым ліку сярод кантрактнікаў, якія папросту адмаўляюцца ехаць ва Украіну.

Аналагічныя праблемы — і з тэхнікай. Як кажа кіраўнік CIT Руслан Лявіеў, у Расіі страты ў тэхніцы — напрыклад, становіцца менш танкаў. Фіксуюць аналітыкі і сур'ёзны дэфіцыт ракет, у тым ліку "Іскандэраў". А ва Украіне гэтай праблемы няма дзякуючы пастаўкам замежнай зброі.

Акрамя таго, з'яўлялася інфармацыя пра тое, што ў Расіі здымаюць з захоўвання старую савецкую тэхніку — яна мае, зразумела, куды горшыя характарыстыкі, чым сучасная.