Сукенка з калекцыі Historia Naturalis / Еўрарадыё
30 мая ў Мінску пры падтрымцы пасольства Украіны ў Рэспубліцы Беларусь і РГА "Беларуская палата моды" ў рамках сумеснага ўкраінска-беларускага праекта прайшоў паказ "Украіна. Етно-fashion". У мэтах развіцця супрацоўніцтва паміж дзвюма краінамі і падтрымкі руху адказнай моды свае калекцыі прадставілі ўкраінскі брэнд RUTA і беларускі брэнд Historia Naturalis.
Sustainable Fashion або ўстойлівая мода — гэта новы трэнд fashion-індустрыі, накіраваны на захаванне культурных каштоўнасцяў у сучаснай модзе.
Творчасць украінскіх дызайнераў апошнія дзесяць гадоў з'яўляецца прыкладам таго, як з дапамогай моды можна зрабіць папулярнымі і сучаснымі нацыянальныя тэмы.
Для міжнароднага абмену вопытам у Беларусь прыехала дызайнер брэнда ўкраінскага этнічнага адзення RUTA Людміла Бушынская. Брэнд вырабляе адзенне і аксесуары ў сегменце luxury, выкарыстоўваючы выключна натуральныя матэрыялы і ручную вышыўку.
Сярод некалькіх разнавіднасцяў вышыўкі найбольш папулярнай застаецца "петрыкаўка". Акрамя таго, брэнд увайшоў у Кнігу рэкордаў Украіны, стварыўшы ўнікальную вышыванку белым па белым. Марка прымала ўдзел у Ukrainian Fashion Week, BAKU Fashion Week, прэзентавала калекцыю адзення ў Вашынгтоне, сабраўшы разам першых лэдзі некалькіх краін. А віцэ-міс Сусвет Дзіяна Гаркуша надзела сукенку RUTA на этапе прэзентацыі нацыянальных строяў на конкурсе "Міс Сусвет". У Мінску брэнд прадставіў вясенне-летнюю калекцыю, якая называецца "Пяшчотныя абдымкі" і прысвечана энергіі жыцця.
Калекцыю брэнда Historia Naturalis таксама прэзентавалі беларускія дызайнеры Паліна Воранава і Ларыса Атаманава. Брэнд неаднаразова ўдзельнічаў у Belarus Fashion Week і зусім нядаўна ў Ethical Fashion Show, прысвечаны ўстойлівай модзе.
Дызайнерскі дуэт вядомы сваёй эксклюзіўнай серыяй прынтаў і працай толькі з натуральнымі тканінамі. Натхненнем для новай калекцыі RAYOK паслужыла мастачка-примитивистка Алена Кіш. Сваёй творчасцю дзяўчына спрабуе прыцягнуць увагу да супраціву патрыярхальным нормам.