У Белаазёрску настаўніцу сярэдняй школы, якая ўдзельнічала ў вулічных акцыях пратэсту, звольнілі з працы. Пра гэта ў сацсетках напісаў вядомы брэцкі журналіст Максім Хлябец.
Пры гэтым у працоўнай кніжцы прычына звальнення абазначаная так: "здзяйсненне работнікам, які выконвае выхаваўчыя функцыі, амаральнага ўчынку, несумяшчальнага з працягам вочнай работы".
Паводле некаторых звестак, настаўніцу затрымлівалі за чаяванне на плошчы.
Дарэчы, запіс перад звальненнем у працоўнай кніжцы сведчыць, што ў 2017 годзе настаўніца пацвердзіла вышэйшую кваліфікацыйную катэгорыю.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.