ДТЗ з удзелам двух падлеткаў адбылося ў Столінскім раёне Брэстчыны ў ноч на 10 траўня. Як піша "Віртуальны Брэст", 15-гадовы падлетак, які не мае правоў кіравання аўтатранспартам, ехаў па вуіцы Школьнай у аграгарадку Алгомель каля 1-й гадзіны ночы. Ён наехаў на 16-гадовага падлетка, які сядзеў на дарожнай паласе.
Матацыкліст уцёк з месца здарэння. Амаль праз дзве гадзіны пасля здарэння яго знайшлі і затрымалі.
Пацярпелы 10-класнік змешчаны ў рэанімацыйнае аддзяленне Столінскай цэнтральнай раённай лякарні. Яму пастаўлены дыягназ — закрытая чэрапна-мазгавая траўма, страсенне галаўнога мозгу цяжкай ступені, выцятая рана патыліцы, множныя ранкі, драпіна правага плечавага сустава.
Выявілася, што матацыкл належыць бацьку кіроўцы.
Па факце ДТЗ праводзіцца праверка.