На станцыі ў Чавусах гарэў цеплавоз. Здарэнне адбылося ўначы 20 красавіка. Як інфармуе прэс-служба МНС, калі прыехалі ратавальнікі, першая секцыя цеплавоза грузавога цягніка Крычаў — Магілёў гарэла адкрытым полымем. У яго склад уваходзілі 32 вагоны, 11 цыстэрн з сырой нафтай.
Узгаранне ўдалося аператыўна ліквідаваць, пацярпелых няма. Агонь пашкодзіў рухавік цеплавоза. Прычына пажару пакуль невядомая. Затрымка руху грузавога цягніка склала 2,5 гадзіны. На рух іншых цягнікоў здарэнне не паўплывала.