Уладзімір Хільмановіч / hpravy.org
Крымінальную справу за "садзейнічанне экстрэмісцкай дзейнасці" пачалі на гродзенскага праваабаронцу і журналіста Уладзіміра Хільмановіча, піша "Гарадзенская праваабарона".
Сілавікі правялі ператрусы па двух месцах жыхарства Хільмановіча. Сам ён ужо два з паловай гады не жыве ў Беларусі.
Тыдзень таму ў кватэры па месцы яго прапіскі апісалі мэблю і лядоўню. А 1 снежня ператрус зладзілі ў кватэры ягонай жонкі, дзе ён жыў з 2014-га па 2021 год. Сілавікі забралі працэсар камп'ютара, старое пасведчанне, 25 кніг, музычны дыск, паштовыя маркі, розныя канверты, паштоўкі, буклеты, значкі, газеты. Таксама яны апісалі бытавую тэхніку.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут