На Міжнародным фестывалі дакументальнага кіно ў Амстэрдаме (IDFA) былі ўзнагароджаныя стужкі, створаныя рэжысёрамі з Беларусі, паведамляе Беларуская Рада культуры.
Галоўную ўзнагароду фэсту атрымаў фільм “Містар Ландсбергіс”, зняты ўраджэнцам Баранавічаў Сяргеем Лазніцам. Стужка складаецца з жывых інтэрв’ю і кадраў хронік. У фільме ідзе расповед пра распад СССР і ролю літоўскага палітыка Вітаўтаса Ландсбергіса ў гэтым працэсе.
Званне найлепшшага кароткаметражнага дакументальнага фільма атрымала стужка "Метадычка". Яе зняў Павел Мажар — беларус, які жыве ў Германіі. Падчас здымак рэжысёр ператварыў свой пакой у студыю, дзе інсцэніраваў выбіванне звестак у сведкаў.
Узнагароды за найлепшую работу аператара і за найлепшы дэбютны поўны метр атрымала беларуска-расійская стужка пра маскоўскае метро “Куды мы едзем”. Над ёй працаваў наш зямляк Руслан Фятотаў.
To see this content visit the full version of this page.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут