На Мінскім трактарным заводзе прадухілілі пагрозу выбуху. У чацвер, 10 лістапада, пасля 16-й гадзіны там гарэў падвал сталеліцейнага цэху, а ў ім знаходзіліся ёмістасці з маслам, а таксама балоны пад ціскам. Вось што распавёў у эфіры тэлеканала СТБ намеснік начальніка Мінскага гарадскога ўпраўлення МНС Віталь Дэмбоўскі:
"На тэрыторыі Мінскага трактарнага завода адбылося ўзгаранне ў памяшканні ліцейнага цэха. Унутры падвала знаходзіліся ёмістасці з маслам, а таксама балоны пад ціскам. Падраздзяленнямі МНС прадухілена пагроза выбуху. На цяперашні момант пажар цалкам ліквідаваны, пацярпелых няма".
На месцы працавала 20 адзінак спецтэхнікі ратавальнікаў. Прычына ўзгарання пакуль невядомая.