Віктар Хрэнін / Коммерсантъ
Расія і Беларусь стварылі групоўку войскаў, "якая, калі трэба, дасць адпаведны адпор". Пра гэта заявіў міністр абароны Беларусі Віктар Хрэнін падчас падвядзення вынікаў беларуска-расійскіх ваенных вучэнняў "Саюзная рашучасць-2022".
Паводле яго слоў, генеральныя штабы Беларусі і Расіі збіраюцца выпрацаваць далейшыя крокі, накіраваныя на "недапушчэнне вайны".
"Мы не хочам вайны. Аднак нас не чуюць ці не хочуць чуць. Таму і створана адпаведная групоўка войскаў", — заявіў Хрэнін.
Расійскія войскі, якія прыехалі на вучэнні ў Беларусь, пакуль застаюцца ў нашай краіне нягледзячы на абяцанні афіцыйнага прадстаўніка Крамля Дзмітрыя Пяскова і кіраўніка беларускага МЗС Уладзіміра Макея аб вяртанні іх у месцы дыслакацыі.
Паводле слоў Хрэніна, гэта звязана "з нарастаннем ваеннай актыўнасці ля знешніх граніц Саюзнай дзяржавы і абвастрэннем сітуацыі на Данбасе".
To see this content visit the full version of this page.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут