Светлагорскі РАУС / wikimapia.org
У аддзеле ўнутраных спраў Светлагорскага райвыканкама міліцыянт збіў затрыманага, паведамляюць праваабаронцы з "Гомельскай Вясны".
Здарэнне адбылося ў ізалятары часовага ўтрымання (ІЧУ) Светлагорскага РАУС у жніўні. Па звестках праваабаронцаў, чалавек трапіў у ІЧУ па справе аб адміністрацыйным правапарушэнні і быў збіты.
Пасля выхаду з ІЧУ пацярпелы зафіксаваў сляды пабояў, звярнуўшыся да медыкаў.
Паведамляецца, што ён падаў скаргу, па якой прызначылі праверку. Улады гэты факт хаваюць ад грамадскасці.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут