Латвія абвінавачвае беларускія ўлады ў правакацыях / Valsts robežsardze
Чацвёра нелегалаў незаконна перасеклі беларуска-латвійскую мяжу пры падтрымцы прадстаўнікоў беларускіх уладаў, піша Delfi са спасылкай на латвійскіх памежнікаў.
У нядзелю, 6 жніўня, памежнікі заўважылі некалькіх нерэгулярных мігрантаў, якія здолелі перасекчы беларуска-латвійскую мяжу.
У Дзяржслужбе памежнай аховы сцвярджаюць, што мігрантам дапамаглі прабрацца праз плот прадстаўнікі беларускіх уладаў. Па іх словах, "памочнікі" спачатку зрабілі адтуліну ў агароджы, а потым ліквідавалі яе. Так яны перашкодзілі мігрантам вярнуцца назад у Беларусь.
На латвійскім баку мігрантаў затрымалі. У Латвіі працягвае дзейнічаць рэжым надзвычайнай сітуацыі ў Лудзенскім і Краслаўскім краях, а таксама ў Даўгаўпілсе. Рэжым НС падаўжалі некалькі разоў, апошні раз — да 10 жніўня.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут